«жанубий корея» тегли мақолалар
Жанубий Корея авиапарвозларда повербанклар сони ва қувватига чеклов жорий қилади
Жанубий Кореяда самолётда чиққан ёнғиндан сўнг авиация хавфсизлиги кучайтирилмоқда. 1 мартдан йўловчиларга 100 ватт-соатгача бўлган 5 та повербанкни олиб юришга рухсат берилади, 160 ватт-соатдан ортиқ батареялар бортга қўйилмайди. Багажга повербанк ва электрон сигаретларни жойлаш тақиқланади.
Жанубий Кореядаги ўзбек меҳнат муҳожирлари орасида иш жойини ташлаб кетиш ҳолатлари кўп — Миграция агентлиги
Жанубий Кореяга ишга юборилган ўзбекистонликлар орасида шартномадаги иш жойини ташлаб кетиш ҳолатлари кўп учраяпти. Ҳозир у ердаги Ўзбекистон фуқароларининг 9,6 фоизи нолегал мақомида. Миграция агентлигига кўра, «агар кўрсаткич 10 фоизга етса, Корея биз билан миграция алоқаларини тўхтатиши мумкин».
Жанубий Корея президентига расман исён уюштиришда айблов эълон қилинди
Жанубий Корея прокуратураси президент Юн Сок Ёлга 3 декабрь куни ҳарбий ҳолат жорий этгани сабабли исёнга раҳбарлик қилишда айблов қўйди. Шунингдек, у асосий сиёсий арбобларни қамоққа олишни режалаштирганликда ҳам айбланмоқда.
Жанубий Кореяда туғилиш даражаси 9 йил ичида илк марта кўтарилди
Жанубий Кореяда 2024 йилнинг январь-ноябрь ойларида туғилганлар сони бир йил олдингига нисбатан 3 фоизга ошди. Бу COVID-19 пандемияси туфайли кечиктирилган никоҳлар тиклангани билан ҳам боғлиқ. Аммо мамлакат 0,72 туғилиш даражаси билан дунё бўйича энг паст кўрсаткичлардан бирини қайд этиб турибди.
Жанубий Корея президенти иккинчи уринишда ҳибсга олинди
Терговчилар иккинчи уринишда Жанубий Кореянинг ҳокимиятдан четлатилган президенти Юн Сок Ёлни исёнчиликда айблаб ҳибсга олди. Бу амалдаги, лекин ҳокимиятдан четлатилган давлат раҳбарининг қўлга олинишидаги илк ҳолатдир.
Жанубий Корея аэропортларида радиомаёқли конструкциялар алмаштирилади
Жанубий Корея ҳукумати мамлакат аэропортларидаги радиомаёқли конструкцияларни алмаштирмоқчи. Бундай қарорга Boeing 737−800 Jeju Air самолёти ҳалокатга учрагач, учиш-қўниш йўлагидан чиқиб, бундай тўсиққа урилгани сабаб бўлди. Ҳодисада бортдаги 181 кишидан 179 нафари ҳалок бўлган.
Корея президенти импичмент бўйича илк суд мажлисида иштирок этмайди
Жанубий Корея президенти Юн Сок Ёль ўз хавфсизлигидан хавотирланиб, импичмент иши бўйича сешанба куни ўтадиган биринчи расмий суд мажлисида қатнашмайди. Унинг адвокати президентнинг судга бориши учун шахсий ҳимоя ва хавфсизлик масаласи ҳал қилиниши кераклигини айтди.
Корея суди президент Юн Сок Ёлнинг ҳибсга олинишига оид ордерни узайтирди
Сеул округ суди мамлакатда ҳарбий ҳолат жорий этилгани учун импичмент эълон қилинган президент Юн Сок Ёлни ҳибсга олиш ордерини узайтирди. Терговчиларнинг Юнни ушлашга бўлган аввалги уринишлари қўриқчилар қаршилик кўрсатгани сабабли муваффақиятсизликка учраганди.
Жанубий Кореяда президентни ҳибсга олиш ордерининг ижроси муваффақиятсиз кечди
Жанубий Кореяда ҳарбийлар ва қўриқчилар қаршилик кўрсатгани учун президентликдан четлатилган Юн Сок Ёлни ҳибсга олиш ордери муваффақиятсиз кечди. 31 декабрда Корея тарихида илк бор суд амалдаги президентни ҳибсга олишга ордер берганди. Ёль бунгача чақирув қоғозларини 3 марта эътиборсиз қолдирган.
Шавкат Мирзиёев Кореяда самолёт қулагани муносабати билан таъзия билдирди
Ўзбекистон президенти Муандаги авиаҳалокат оқибатида кўплаб инсонлар ҳалок бўлгани муносабати билан Корея Республикаси президенти вазифасини бажарувчига ҳамдардлик билдирди. Бортдаги 181 кишидан фақат икки нафари омон қолди.
Жанубий Кореяда президент вазифасини бажарувчига ҳам импичмент эълон қилинди
Жанубий Корея парламенти бош вазир, шу билан бирга, президент вазифасини бажарувчи Хан Док Суга импичмент эълон қилди. Бу Су ҳукумати президент Ёль ва унинг рафиқаси терговига оид қонун лойиҳасини кўриб чиқиш ҳамда конституциявий суд таркибига судьяларни тайинлашдан бош тортганидан сўнг содир бўлди.
КХДР Россия-Украина урушида мингдан ортиқ аскарини йўқотди — Жанубий Корея
Жанубий Корея Россиянинг Курск шаҳрида ўтган жангларда камида 100 нафар Шимолий Корея аскари ҳалок бўлгани, 1000 дан ортиқ аскар яраланганини маълум қилди. Шунингдек, Пхеньян қўшимча кучлар юборишга тайёрланаётган бўлиши мумкин. КХДР Россия-Украина урушига 10−12 минг нафар ҳарбий юборгани айтилади.
Жанубий Кореядаги сиёсий инқироз унинг иттифоқчиларини ҳайратда қолдирди — Reuters
Жанубий Кореянинг президент Юн Сок Ёль ташқи сиёсатини олқишлаган ва мамлакат ичидаги сиёсий келишмовчиликларга унчалик аҳамият бермаган иттифоқчилари унинг ҳарбий ҳолат жорий этиш ҳақидаги қароридан ҳайратда қолди, деб ёзди Reuters.
Жанубий Корея Конституциявий суди президентга импичмент ишини кўришни бошлади
Жанубий Корея Конституциявий суди президент Юн Сок Ёлга ҳарбий ҳолат жорий этишга урингани учун импичмент масаласини кўриб чиқишни бошлади. Судьялар уни лавозимидан четлаштириш ёки қайта тиклаш тўғрисида қарор қабул қилиши керак. Ҳуқуқ органлари Юнни исён кўтариш иши бўйича сўроққа чақирди.
Жанубий Корея парламенти президентга импичмент эълон қилди
Жанубий Корея парламентида ҳарбий ҳолат жорий этишга уринган президент Юн Сок Ёлга нисбатан импичмент эълон қилишда етарлича овоз тўпланди. Унинг лавозимидан четлатилиши учун 204 депутат овоз берди.
«Охиригача курашаман». Жанубий Корея президенти исён бўйича айбловларни рад этди
Жанубий Корея президенти Юн Сок Ёль ҳарбий ҳолат жорий этиш қарори «давлат ишларини нормаллаштириш» учун тўғри ва зарур бўлганини айтди. У исён кўтаришда айбланиш ва истеъфога чиқишга даъватларни рад этиб, охиригача курашишга ваъда берди.
Жанубий Корея собиқ мудофаа вазири ҳибсхонада ўз жонига қасд қилишга уринди
Жанубий Корея собиқ мудофаа вазири Ким Ёнг Хён Сеулдаги ўзи ушлаб турилган ҳибсхона ҳаммомида жонига қасд қилишга уринди, ҳозирда унинг соғлиғи барқарор ҳолатда. Аввалроқ у ҳарбий ҳолат жорий этилиши билан боғлиқ барча ҳодисалар учун жавобгарликни ўз зиммасига олганди.
Жанубий Корея парламенти президентга нисбатан тергов бўйича махсус прокурор тайинланишини маъқуллади
Жанубий Корея парламенти президент Юн Сок Ёлга қарши айбловларни тергов қилиш учун махсус прокурор тайинлаш тўғрисидаги қонун лойиҳасини қабул қилди. Шунингдек, президент давлатга хиёнат ва ўз ваколатини суиистеъмол қилиш иши бўйича гумон қилинмоқда ва мамлакатни тарк этиши тақиқланган.
Жанубий Корея президентига мамлакатдан чиқиш тақиқланди
Жанубий Корея президенти Юн Сок Ёлнинг мамлакатдан чиқиши тақиқланди. Бундан ташқари, у давлатга хиёнатда ва ҳокимиятни суиистеъмол қилишда гумонланмоқда. Полиция уни сўроқ қилиши мумкинлигини истисно этмади.
Жанубий Корея собиқ мудофаа вазири ҳибсга олинди
Жанубий Корея собиқ мудофаа вазири Ким Ёнг Хён тергов доирасида ҳибсга олинди. Прокуратура қўзғолон ва ҳокимиятни суиистеъмол қилиш билан боғлиқ иккита жиноят ишини тергов қилмоқда.
Энг кўп ўқилган хабарлар | Сўнгги янгиликлар
- Комил Алламжоновга суиқасд бўйича айбланувчилар 23 йилгача қамоқ жазосига ҳукм қилинди
- «Беш ой ичида ўзимдан ўтгани фақат ўзимга, оиламга ва энг яқинларимга аён» — Комил Алламжонов
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
Қўшимча имкониятлардан фойдаланиш учун сайтда рўйхатдан ўтинг